Краеведческая комната

    Каб адпачыць душой і дакрануцца да сваіх        каранёў-вытокаў, не трэба ехаць кудысьці далёка. Дастаткова трапіць, напрыклад, у краязнаўчы пакой Чухаўскай сярэдняй школы.

    Добры дзень, паважаныя госці! Мы рады вітаць вас ў нашым  краязнаўчым   пакоі, які пазнаёміць нас з асаблівасцямі побыту беларусаў канца XIX- пачатку XX ст.

    Вы даведаецеся, што нашы продкі выкарыстоўвалі ў сваёй паўсядзённай працы і чым штодзень карысталіся, з чаго складаўся інтэр'ер традыцыйнага беларускага жылля.

    Усе экспанаты, якія тут знаходзяцца, былі сабраны настаўнікамі і вучнямі нашай школы. Пакой папаўняецца і па сённяшні час. Тут сабраны экспанаты не толькі з вёскі Чухава, але і з суседніх вёсак.

                                  Гэта месца завецца Радзімай,

                                Што заўсёды ў нас будзе адзінай,

                                І па-добраму сэрца тут б’ецца,

                                Бо Чухава - наша вёска завецца!

    - Наша вёска для нас самая дарагая і прыгожая, таму што гэта наша маленькая радзіма, а не любіць Радзіму нельга.

    Не голас, сэрца гаворыць гэтыя словы — з любоўю, з гонарам, з душэўнай пяшчотай.

                                Тут — наша гiсторыя.

                                 Тут — мае каранi.

                                Тут — напеўная родная мова.

                                Тут — жывем мы!

                       Вучымся, працуем, нашу мінуўшчыну,

                       Спадчыну нашу, беражом і шануем!

• збіраць, зберагаць, вывучаць і прадстаўляць экспазіцыі, якія характарызуюць культуру, побыт беларускага народа;
• выхаванне пашаны да нашай  спадчыны,традыцый і звычаяў.

    У школе працуе пакой гісторыі роднага краю, які быў створаны па ініцыятыве настаўнікаў і вучняў нашай школы.

    Краязнаўчага пакоя быў заснаваны з мэтай адраджэння народных традыцый, культуры і самабытнасці беларусаў, папулярызацыі народных промыслаў і прапаганды нацыянальных здабыткаў. Каб любіць сваю родную старонку, патрэбна заўсёды памятаць, што мы - беларусы, што жывем на зямлі беларускай, якая корміць і апранае нас, суцяшае і  аберагае ў час нягод.  

• Мінулае нашай вёскі
• Побыт землякоў
• Чароўны свет рамёстваў
• Дарогамі вайны
• Гарачая зямля – Афганістан
• На шляху да адукацыі

                                       Намеснік дырэктара - Кахавец Ю.Р.

                                       Настаўнік беларускай мовы і літаратуры- Кірыковіч І.М.

                                       Кіраўнік пакоя- Нарывончык С.А.

Вучні 6-9 класаў

           Дзе ні будзем мы ў свеце,

           Чаго б ні бачылі мы там –

            Застанецца самым лепшым

            У родным Чухаве ўсё нам!